Enn ein mistök Pútíns!

Það er þögn í Kreml, þaðan koma engar fréttir um morðið á æðstu ráðamönnum Wagner-liðsins sem eru málaliðarnir, er hafa borið þungan af árásarstríði Rússa á hendur Úkraínu. Talið er fullvíst að leyniþjónusta Rússa hafi skotið niður þotuna þar sem Prigzhin stjornandi Wagners-hópsins var innanborðs og nokkrir af hans helstu stjórnendum. Þetta er enn eitt morðið á eigin ráðamönnum sem Pútín lætur myrða og hlýtur að gera þá sem eftir eru óörugga í návist hans. Hver ætli sé næstur, ef til vill Sergel Surovikin sem var yfirmaður flughers Rússlands. Það er greinilega komin skjálfti í þá sem stutt hafa Pútín, þar sem honum er ekki treystandi, þolir ekki gagnrýni enda sjálfskipaður Guð í eigin huga.
Viðbrögð frá Wagnerliðum í Pétursborg og Hvíta Rússlandi eru hefnd, sem þýðir að í uppsiglingu geti verið borgarastríð í Rússlandi. Sennilega lék Pútín sinn versta afleik og stefnir í að verða heimaskíts mát!, þar sem Wagnerliðarnir voru þeir sem komu í veg fyrir að Pútín og Rússneski herinn yrði ekki að athlægi á heimsvísu við upphaf stríðsins.
Hvert þetta leiðir er ekki gott að segja, en þetta kemur til með að minka álag á Úkraínu - her, þar sem Pútín þarf að auka varnir innanlands, þar sem hann má búast við grimmum hefndum í kjölfar morðsins á Prigzhin. Það verður gaman að sjá hvernig Íslenskir meðhlæjendur fjalla um þennan atburð. Þeim er það lagið að snúa öllu á hvolf, þó ekki væri til annars en réttlæta ruglið í Pútín og hans valdagræðgi!
Íslenska þjóðfylkingin
Guðmundur Karl Þorleifsson formaður.