Er umboðsmaður alþingis til skrauts, eða þarf að taka tillit til þess er hann segir!

Jú það tröllríður öllum samfélagsmiðlum, „ þó sumir vilji þagga þetta niður! samanber RÚV“ framkoma matvælaráðherra Svandísi Svavarsdóttur við en og aftur ávítun, frá umboðsmanni alþingis um hennar stjórnsýslu. Ekki bætir um betur, er forsætisráðherra Katrín Jakobsdóttir tekur málstað hennar gegn góðri stjórnsýslu! Hvað er að þessum stallsystrum?
Við skulum skoða málið aðeins betur, jú umboðsmaður alþingis er að ávíta viðkomandi ráðherra um slælega stjórnsýslu, þar sem hann bendir á að hún fer gegn lögum og skammar hana eins og smákrakka. Viðkomandi ráðherra fer í fýlu ( stappar sennilega niður fótum ) og segist stjórna sem pólitíkus og þar af leiðandi þurfi hún ekki að fara að lögum, það er að segja eins og sexára krakki sem fer í fýlu þegar hún er skömmuð, núna ekki af pabba og mömmu heldur af umboðsmanni alþingis. Jú það er ekki eins og Svandís Svavarsdóttir sé ný á alþingi Íslendinga, né ný sem ráðherra, því að hún hefur tvívegis áður verið ávítt af umboðsmanni!
Nú er svo komið að undir stjórn VG, þurfa Íslendinga sennilega að borga tugi milljóna vegna þessarar ákvörðunar, það er fari Hvalur h.f. í mál við ríkið. En á ríkið þá endurkröfurétt á Svandísi Svavarsdóttur vegna þess að hún fór gegn ráðleggingum lögfræðinga ráðuneytisins, er hún ef til vill persónulega ábyrg vegna slæmrar stjórnsýslu og mikilmennsku brjálæðis?
Er ekki komið nóg af þessum fulltrúa VG, sem þegar hefur kostað ríkissjóð milljónir og á eftir að gera það eftir þessa niðurstöðu umboðsmanns, eða er nóg að segjast vera pólitískur loddari og þess vegna þurfi hún ekki að fara að lögum. Eru þá lög í landinu einskins verð og er hér verið að leggja niður lagaumhverfi landsins, þar sem þessi framkoma er til þess fallin að menn geti vísað í ofangreindan gjörning og sagst vera hitt eða þetta og þar með ekki þurfa að fara að lögum, bara spyr? Er hér ef til vill verið að leggja niður „ með lögum skal land byggja“, eða ætlar alþingi að grípa í taumanna og segja hingað og ekki lengra, vera með vott af beini í nefinu þar sem slík hegðun sé ekki liðin, eða ætlar alþingi að kyngja þessu eins og allri vitleysunni sem þeir hafa látið yfir sig ganga. Því ef þetta verður ekki stöðvað hér og nú eru þeir að segja að það sé tímabært að leggja niður UMBOÐSMANN ALÞINGIS!