Getur eldvirkni í Skjaldbreið valdið mengun á vatnsbólum höfuðborgasvæðisins og Reyknesinga.

Vegna mikilla jarðhræringa við Skjaldbreið, er ekki úr vegi að velta fyrir sér afleiðingum sem kunna að verða, komi til eldsumbrots á þessu svæði. Eru líkur eru á að mengun berist í það ferskvatn sem dælt er upp í vatnsbólum höfuðborgasvæðisins og Reyknesinga. Þetta yrði mikið mengunar áfall fyrir þetta þéttbýlasta svæði landsins, því væri áhugavert að vita hvort almannavarnir, jarðvísindastofnun og umhverfisstofnun hafi leitt hugann að slíkri vá.
Þar sem ég er ekki sérfræðingur á þessu sviði, en finnst áhugavert að velta slíku fyrir mér þegar jarðskjálftahrina skekur Skjaldbreið, er ekki úr vegi að velta fyrir sér möguleikum þeim sem til staðar væru kæmu til slíkra haffara. Hvert þyrfti að leita til að fá ferskt vatn og hve lengi myndi slík mengun vara í okkar aðal vatnsbólum. Hversu lengi væri hún að koma fram og svo framvegis.
Vonandi verður ekki eldsumbrot á þessu svæði, en ég tel þarft að menn opni augun fyrir slíkri vá, og hvað sé til ráða, áður en skaðinn sé skeður.

Guðmundur Karl Þorleifsson formaður Íslensku þjóðfylkingarinnar.