Er alþingismenn sofandi sauðir, eða er þeim bara alveg sama um land og þjóð!

Þann 19 júlí 2024 kom frétt sem ég hafði ekki heyrt fyrr né tekið eftir að stæði til að gera, jú það er að flytja út vatn í tankskipum, það er vatnsútflutningur í stórum stíl. Ég skal viðurkenna það að mér brá við þetta og mynntist staks þeirra vandamála er komu upp í Keflavík og Njarðvík þegar menn tóku full mikið vatn úr hverri djúp vatns holu.
Þó svo að ég hafi leitað á netinu hef ég hvergi fundið vatnsrennslis líkön fyrir það svæði sem taka á grunnvatnið frá, það er hversu rennslið er mikið, hvaða afleiðingar það hefur að dæla miklu vatni upp á viðkomandi dælusvæði, hvort hætta sé á að uppdráttur þess vatns sem er undir geti mengað yfirborðsvatnið, hvort vatnsdráttur viðkomandi borhola í stórum skömmtum geti haft áhrif á vatnsrennsli í ákveðinni fjarlægð frá tökustað og svo framvegis. Því það er vitað að upptaka grunnvatns getur haft veruleg áhrif á grunnvatnsstöðu marga km., frá tökustað.
Þá komum við að hinum endanum á þessari námuvinnslu, það er fær ríkissjóður greitt fyrir vatnið, sem og þau sveitafélög sem eiga hagsmuna að gæta ekki aðeins svæðið sem upptakan er heldur þau sem eiga aðgang að viðkomandi auðlind þó í km fjarlægð séu? Því rennsli vatns undir yfirborði er ekki einkaeign fárra eða þess staðar sem upptakan er framkvæmd heldur er hér um að ræða sameiginlega eign landsmanna allra.
Hver semur um þessa auðlind er það á vegum einkaaðila eða er hér um sjálftökubissness sem arðsemin er greidd erlendis og landsmenn koma ekki til með að njóta neins afrekstrar af?
Þó ég sé talsmaður þess að einkaaðilar geti komið með slíkar framkvæmdir og eigi að njóta af sínum hugmyndum og framkvæmdarorku, þá er ég á móti því að landið sé afhent erlendum auðhringjum á silfurfati án þess að gætt sé að því að landsmenn njóti réttlátrar hluttekningar í arðinum. En fyrst og fremst þarf að gæta þess að slíkar framkvæmdir valdi ekki óbætanlegu tjóni annarstaðar. Þess vegna rita ég þennan pistil, svo alþingismenn vakni af sínum Þyrnirósar svefni og skoði með opnum huga hvað þarna er á ferðinni. Vonandi er hér um að ræða gott og gæfuríkt framtak bæði fyrir þá sem ætla sér að stand í þessu en einnig fyrir þjóðina í heild sinni.
Lifið heil.