Er alþingi og Seðlabanki að fæla ungt fólk úr landi!

Oft þegar stórt er spurt er fátt um svör, en í þessu tilfelli er greinilegt að þeir sem bera ábyrgð á þjóðarskútunni, eru ekki með puttann á púlsinum! Nú berja þessar stofnanir að þær séu að ná takmörkum sínum í að lækka verðbólgu stig á landinu, það er þeir hafa kæft þau ungmenni sem keypt hafa íbúðir hér innanlands með okur vöxtum og skattlagningu! Í fréttum af fasteignamarkað er að verulegur samdráttur er í fjárfestingum ungs fólks á fasteignum, svo mjög að fasteignaaðilar eru farnir að taka verulega eftir slíkum samdrætti og að ungt fólk sem áður voru stór hópur kaupenda kemur varla inn á fasteigna sölur.
Á sama tíma fréttir maður af að ungt fólk er að fjárfesta í fasteignum erlendis, og hyggur á að yfirgefa landið að námi loknu, því það sér enga framtíð að vera á Íslandi, þar sem fjármálkerfið taki einungis mið af hagsæld þeirra sem meira meiga sín! Þetta fólk ætlar ekki að láta þessar stofnanir ásamt græðgi væðingu bankakerfisins hneppa sig í ævilangan þrældóm. Er ef til vill tími til komin að skipt verði um fólk í brúnni á lýðveldinu Íslandi og komið fyrir fólki sem skynjar þarfir nútíma samfélags og er tilbúið að koma böndum á óheftan ríkisbúskap!
Ég tel að ungt fólk sem og aðrir þjóðfélagsþegnar þurfi að gera sér grein fyrir að einungis fáir á alþingi Íslendinga bera hag og framtíð þjóðarinnar fyrir brjósti, því er mikils virði að moka þann flór út og hefja upp ný viðhorf þar sem Íslendingar eru settir í forgrunn en annar óþarfa flott ræfils hætti er ýtt til hliðar.
Það styttist í nýjar kosningar, þar sem fólk þarf virkilega að gera upp við sig, hver framtíð landsins á að vera. Því er það nauðsyn að fara að gera upp við sig hvernig við viljum að framtíð okkar sem og afkomenda okkar verði. Lifið heil!