Ljós í myrkrinu!

Þau ánægjulegu tíðindi bárust í dag, að einn af sonum þjóðarinnar sem treystandi er til að gegna forsætisembætti landsins, hefur nú stigið fram og boðið fram krafta sína til starfa sem forseti landsins. Jú ég er að tala um Arnar Þór Jónsson, hér er á ferðinni maður sem þekkir vel til stjórnmála, hefur þjóðina í forvegi og kann skil á embætti því er hann sækist eftir.
Það er mikilvægt að fólk fylkist um þennan heiðarlega mann, er þorir að taka ákvarðanir sem vernda þjóð og það þjóðfélag sem við búum í. Ég treysti vart nokkrum manni betur til starfans, hann mun verða þjóðinni til sóma á erlendri grundu, sem og þjóðinni til heilla.
Ég skora á fólk, hvar í sveit þeir standa, að fylkja liði og veita honum brautargengi, það mun verða okkur öllum sem hér búa til sóma.

Athugasemdir

[Tómas Ibsen Halldórsson, 3.1.2024 kl. 17:04]

Heill og sæll Guðmundur Karl. Ég tek heilshugar undir með þér.