Þegar dómstólar götunar eru farnir að ráða ferð.

Nú er uppi herferð á látið fólk, sem sá um að taka á móti börnum er bjuggu við slæmt heimilisathvarf, þar sem drykkja og ofbeldi var oft á tíðum daglegt brauð. Þessi börn komu skemmd í þessa vistun, en á þessum tíma var venja að börn þurftu að beygja sig undir aga og voru þau með mótþróa voru viðhafðar refsingar sem börnin þekktu. Þessar refsingar voru oft á tíðum flengingar eða önnur úrræði sem þekktust þá, það er vart hægt að ætlast til að fólk sem lifir við alsæld og agaleysi skilji slíkt, enda er ég ekki að mæla með þeirri aðferðafræði. Hitt skulum við athuga, að eftir fimmtíu til hundrað ár getur orðið önnur bylgja þar sem núverandi uppeldisaðferðir verði fordæmdar, þar sem aga- og virðingaleysi er mögnuð upp, ábyrgðaleysi foreldra er algjört og kennarar eru í engri aðstöðu til að takast á við baldin börn og unglinga, börnin geta hagað sér eins og þau vilja fram að 18 ára aldri, en við þann aldur eru þau allt í einu orðin fullorðin samkvæmt skilgreiningu laga og skilja ekki að það sem þau gátu aðhafst í gær gengur ekki í dag.
Ég held að það þurfi að endurskoða uppeldis og agahluta barna og unglinga, svo þau lendi ekki á glapstigum seinna á ævinni. Það á að gera foreldri ábyrgt gangvart uppeldi barnanna og agi í skólum á að vera leiðarvísir inn í framtíð barna. Við sem þjóð erum að brjóta niður siðferði þjóðarinnar með þessu frjálsræðis uppeldi, ef við viljum að börnin okkar geti axlað ábyrgð, þá þurfum við sem þjóð að vera þeirra leiðbeinendur. Það gerum við ekki með að taka aldrei á málum barna okkar, stundum er töff agaleiðbeining það sem þarf, öðrum er nóg að ræða við. Að slæva börn með meðalagjöfum í óhófi er ekki leiðin til að hjálpa þeim, þau þurfa útrás orku með hreyfingu, leiðbeiningum í skapandi vinnu án þrældóms, það mun reynast mun árangursríkara en meðvirkni.
Ég tel ekki rétt að dæma fólk sem fallið er frá og hefur að öllum líkindum gert sitt allra besta til að gera vel. Þá er ég ekki að mæla með, ef um níð hafi verið að ræða, en dómstóll götunar sem ætlar að dæma einungis frá hlið annars aðilans sem jafnvel er brotin einstaklingur en hinn aðilinn er ekki til frásagnar er svívirða. Það er því spurning hvort svokallaðar barna vernda nefndir séu ekki sökudólgarnir í þessum málum sem er verið að fjalla um. Það er ríkið!!