Afvegaleidd umræða!

Það virðist vera ótrúlegur ásetningur fréttamanna að draga Kristna trú niður í svaðið en upphefja Íslams trú. Ný skoðanakönnun er þar eitt dæmið um slíkan áróður! Þar er spurt hvort þú berir mikla eða litla trú til þjóðkirkjunnar, og þar með þær niðurstöður yfirfærðar yfir á Kristna trú almennt. Af hverju ekki að spyrja hvort þú sért hlynntur Kristnum trúarboðskap eða viljir innleiða Íslömsk trúarbrögð á Íslandi?
Þetta set ég hér fram, vegna þess að í stóli þjóðkirkjunnar situr Biskup, sem er vanhæfur til starfans, vinnur gegn Kristinni trú og hefur þar með leitt fjölda fólks til að segja sig úr þjóðkirkjunni, og er undirritaður einn slíkur, en er samt Kristinn. Ég tel að það gildi um marga aðra sem eru Kristnir en telja sig ekki geta verið í samkrulli við leiðtoga sem vinnur gegn Kristnum gildum en hampar falsspámönnum sem einmitt Kristur varaði við í því heilaga riti, er Kristnir menn hafa sem leiðarvísir lífs síns, en það er Nýja testamentið.
Síðan kemur merkileg niðurstaða könnunarinnar, afstaða fólks úr mismunandi stjórnmálaflokkum. Þar ber að geta að þeir sem aðhyllast Kristin gildi, sem hafa leitt okkar samfélag til réttláts samfélags þó svo meira megi gera til að rétta hlut þeirra sem minna mega sín, það eru Sjálfstæðisflokkurinn, Flokkur fólksins og Miðflokkurinn, en takið eftir þetta eru einmitt þeir flokkar sem vilja verja okkar samfélag gegn niðurbroti trúarbragða er mæla með valdníðslu, karlaveldi, kvennfyrirlitningu og ofbeldi.
Á hinn bóginn eru flokkar á borð við Pírata, Sósíalflokkinn ásamt Samfylkingu helstu boðberar áróðurs gegn Kristinni trú, en vilja innleiða Íslam með hjálp VG, það er að undirlægi Katrínar Jakobsdóttur forsætisráðherra, þar sem flytja á inn endalaust af múslimum, engin af þeim sem hingað koma t.d. frá Afganistan eru Kristnir, eða Jesúítar, Nei það skal vera Múslimar! Þetta er hrein aðför að þeirri menningu sem Ísland hefur byggt sitt félagslega samfélag á og mun líða undir lok eins og í öðrum norrænum ríkjum, verði þetta ekki stöðvað í tæka tíð.
Annað sem könnun þessi er upphafin á!, „er að það séu einungis gamalmenni sem aðhyllast Kristin gildi, en hinn þroskaðu ungmenni finnist lítið til þeirra koma“. Ætli það sé vegna þess að þau ungmenni sem ekki aðhyllast Kristin gildi á unglingsárum séu eins og oft gerist uppreisnagjörn og eigi eftir að brjóta af sér þroskaleysið, en þegar vit og viska færist yfir viðkomandi þá átti þau sig á gildum Kristinnar trúar?
Það kann vel að vera að miðað við núverandi trúarniðurrif stjórnvalda, það á við bæði í skólum og á opinberum vetfangi, sé rétt að skilja alfarið á milli ríki og kirkju. Sennilega myndi það styrkja almennt trúarlíf í kirkjum landsins, þar sem viðkomandi söfnuður yrði að gera sér grein fyrir hverjum þeir myndu vilja tilheyra og fengju þá þjónustu sem viðkomandi söfnuður veitti. Þá myndu prestar einungis skýra, ferma, gifta, jarða og veita sáluhjálp þeim er væru í viðkomandi söfnuði.
Ég tel að öllum sé holt að hugsa um hvað hefur og hvað hverfur!