Er nauðsyn að breyta stjórnarskrá!!!

Ég hef lengi talið eðlilegt að hrófla sem minnst við stjórnarskrá, því oftar en ekki þá er það gert til að auðvelda ráðamönnum þjóðarinnar að valsa með fjöregg þjóðarinnar, það er sjálfsæðið!!!
En hvernig ætli það sé með þetta merka plagg „ Stjórnarskránna“ sem fæstir ef ekki flest allir vita ekkert um og því síður fara eftir, þar með talið alþingi og forseta landsins. Hversu oft ætli stjórnarskráin hafi verið brotin, hún hunsuð eða farið í hring um hana af alþingi, til að þóknast einhverjum sérhagsmunum eða erlendum ríkjum eða ríkjasamböndum. Þessi samantekt ætti að liggja frammi svo almenningur gæti gert sér betur grein fyrir alvarleika málsins. Því miður er svo komið að það skiptir ekki máli hvað stendur í stjórnarskrá, sem ekki er farið eftir af æðsta stjórnvaldi, en henni flaggað á hátíði og tyllidögum , sem eitthvert merkis plagg. Meira að segja hef ég leitað til umboðsmanns alþingis með ákveðið málefni, en hann virðist vera bara eitt tilgangslausa embættið í flóru landsins. Þar sem afsakanir hans eru þær, „ að hann geti ekkert gert fyrr en skaðinn er skeður“.
Nei það skiptir ekki máli hvað stendur í þessu plaggi, séu engin viðurlög né vilji til að fara eftir því. Menn geta hrópað á götum úti og gert sig ráma eins og enginn sé morgundagurinn, verði ekki tekið á meðhöndlun alþingismanna er varðar virðingu fyrri stjórnarskrá landsins.
Ég veit að margir eru búnir að skrifa undir áskorun um að samþykkja breytingar á stjórnarskránni, er stjórnlagaráð lagði til á sínum tíma. Ég tel að þar hafi fólk farið meira fram af tilfinningar þunga en af skinsemi. Eitt er þó það mál sem lagt er til í því plaggi, það er aukið beint lýðræði í mörgum málefnum.
Eins og menn lesa hér er ég fylgjandi núverandi stjórnarskrá, tel að það þurfi þar litlu að breyta, en er talsmaður þess að setja þarf skýrari kafla um brot á henni, þá sérstaklega þegar alþingi Íslendinga er að fara í hring um hana eins og heitan graut.

Athugasemdir

[Jón Steinar Ragnarsson, 17.10.2020 kl. 20:18]

Það var engin ástæða til að breyta stjórnarskrá fyrr en í hruninu þegar átti nýta upplausn og kreppu að troða okkur í ESB. Sama á ferðinni nú. Án breytinga á framsalsákvæðum stjórnarskrárinnar, verður ekki gengið í bandalagið.

Her er frétt frá janúar 2009 sem skýrir ástæðuna fyrir því af hverju sirkusinn fór af stað.

https://www.visir.is/g/2009864224d

[Guðmundur Karl Þorleifsson, 22.10.2020 kl. 12:56]

Gott innlegg hjá þer Jón Steinar Ragnarsson.  Grundvallaratriði er að farið sé eftir stjórnarskrá, hún kendi í skólum, þannig að allir Íslendingar viti hvað í henni stendur, virði hana og geti fylgst með sé hún brotin.  Auðvitað þarf eftil vill að breyta einhverju í henni í tímanna rás, en að breyta henni breytinganna vegna er fáviska en ekki hyggni.