Verða orkuframleiðendur að selja orkuna á undirmálsverði?

Framundan eru víðsjálegir tímar fyrir orkuframleiðendur, ef álverum yrði lokað á Íslandi, vegna niðurgreiðslna á raforku til álvera í Kína. Mikið magn orku yrði þá á lausu hérlendis og þyrftu menn að skoða alla möguleika á sölu hennar, svo tryggja megi slíkri orkuframleiðslu áframhaldandi afkomu. Þetta skapar marga möguleika fyrir innlenda framleiðslu ef rétt er á haldið, en búast má við að talsmenn sæstrengs munu halda uppi áróðri um að best sé að selja orkuna til Evrópu. Því er það nauðsyn að ríkisstjórn sem og alþingi girði sig í brók og hefji þegar í stað markaðssetningu á þessari orku, er geti skapað aukna framleiðni innanlands, sem og aukið og styrkt innlenda framleiðslu. Helstu nýnotendur eru gagnaver, garðyrkja, ýmis iðnaður og svo stóraukin orka sem fer í bílaflota landsmanna á komandi árum, svo eitthvað sé nefnt. Góða við orkuframleiðslu landsmanna er að hún er flæðisvæn, það er að orkuna er í stórum dráttum hægt að auka og minka eftir eftirspurn hennar, sem er ólíkt orkuframleiðslu framleidda með kolum, gasi eða kjarnorku. Því ætti þessi samdráttur ekki vera vandamál, sé ríkisstjórn tilbúinn að setja í gang átak í sölu á þessari vistvænu orku. Þetta markaðsátak er ekki neitt öðruvísi en önnur markaðsátök til að mynda í ferðaþjónustu, finna þarf fyrirtæki sem vilja nýta sér þetta tækifæri sem skapa vinnu og aukna framleiðni innanlands.
Aukin hagsæld þjóðarinnar byggist að verulegu leiti á að okkur takist vel til með að vinna okkur út úr aðstæðum sem koma til með að skapast af og til.
Íslenska þjóðfylkingin hvetur frammámenn þjóðarinnar, sem og þá sem stjórna orkumálum á Íslandi að leggja þegar í stað með áætlun, þá mun framtíð orkumála á Íslandi verða þjóðinni til framdráttar.

Athugasemdir

[Hörður Þormar, 15.7.2020 kl. 21:02]

Nú er verið að gera áætlun hjá Evrópuríkjum um að hætta að nota kol við stálframleiðslu. Þess í stað er áformað að framleiða "vistvænt stál" með vetni. Verði þetta raunin mun það skapa tækifæri fyrir okkur til þess að framleiða vetni í stórum stíl og flytja það með tankskipum um til Evrópu.