Vakna þú nú Þyrnirós!!!!

Frá stofnun Íslensu þjóðfylkingarinnar, hefur flokkurinn lagt áherslu á málefni landakaupa. Þá þegar voru óveðursský farin að hrannast upp um allt land, það er að segja, uppkaup erlendra auðmanna og fyrirtækja á lögbýlum landsins, sem höfðu að geyma auðlindir landsins. Þessari ásókn hefur ekki lint á síðustu árum, þrátt fyrir aðvaranir ÍÞ, sem og annarra er höfðu áhyggjur að þessum eignauppkaupum. Hefur ÍÞ bent á þetta ótal sinnum, án þess að því væri gefin gaumur af alþingismönnum, sem hefðu átt að setja strax lög til samræmis við nágrannaríki okkar, það er Norðmanna og Dana.
Nei!!! það þóknaðist þeim ekki, og voru dómsmálaráðherrar með miklar glósur gegn þeim, er vöruðu við þessari ásókn á samþjöppun landsvæða undir fámennan hóp manna, hvort heldur voru Íslendingar svo ekki sé talað um erlenda auðmenn. Í dag hefur það komið í ljós, að viðkomandi ráðherrar voru að vinna skítverk sjálftökuliðs, sem nýtti sér kúgunnar tilburði til að kaupa upp jarðir um land allt, sem síðar átti að nota, samanber Orkupakkaæði það sem hlaupið hefur á alþingismenn í að keyra Orkupakka 3 í gegn, svo áætlun þeirra til að arðræna þjóðina takist.
Hvar hefur núverandi forsætisráðherra verið, er hún loksins að skríða undan feldi svo koma megi höndum yfir þetta, þar sem hún hefur horft á samráðherra og vini, notfæra sér aumingjaskap hennar í að skikka ekki lagasetningu, til að koma höndum á þetta augljósa arðrán. Hefur vinur hennar sem stjórnar þinginu, ef til vill kippt einnig í spotta, svo spillingin hafi geta gengið áfram, bara spyr?
Að undanförnu hefur komið fram miklar upplýsingar, er ættu að vekja alla þingmenn til umhugsunar, hvort ekki sé tímabært að setjast niður og hugleiða þennan flýti á innleiðingu OP3. Ef þingmenn eru heiðarlegir gagnvart þjóðinni þá hafna þeir þessum gjörningi og koma þjóðinni hjá þeim skaða sem þeir annast munu valda henni til lengri tíma litið.
Ísland og Íslendingar eiga það skilið að þingheimur standi einu sinni með þjóðinni, en ekki með spillingunni sem á sér stað í þessu máli.
Góðar stundir.