Rökþrot ráðherra Sjálfstæðisflokksins.

Það var aumkunarvert að sjá Utanríkisráðherra Guðlaug Þór Þórðarson tjá sig við fréttamann um Orkupakka 3. Hvergi kom hann rökstuðningi sýnum til skila er réttlættu ástæðu þess að innleiða OP#3, er setti fram óskilgreinda hótun frá EES og ESB um að, þá yrði EES samningum sagt upp, samþykki Íslendingar ekki OP#3. Hvergi hef ég séð slíka hótun á prenti, ekki hefur hvorugur áróðursráðherrar OP#3 sýnt það, að slík alvara væri á ferð. Ekkert í núverandi samningi EES gerir ráð fyrir að ef einhver þjóð vilji ekki innleiða einhverja tilskipun, þá sé viðkomandi samningur uppsegjanlegur, né nein hætta á því. Hinsvegar var ráðherra tíðrætt um Miðflokkinn og þeir hefðu snúið við blaðinu frá því að þessi málaflokkur hefði verið undir þeirra stjórn ( sátu áður í Framsókn ). Ég ætla hér að virða þeim það til hróss, að þeir vitkist og fari af leið villunnar sjái þeir hættuna sem að steðjar, en haldi ekki áfram út í feigðarflan. Þetta er ekki hægt að segja um alþingismenn og ráðherra Sjálfstæðisflokksins, sem fengu skýr skilaboð á síðasta landsfundi, en fara samt þvert gegn því er þar var samþykkt.
Nú er komin skýr skilaboð, um að það eru fleiri en eitt fyrirtæki, sem ætla að leita leiða til að leggja sæstreng til landsins, þar sem Bretar ætla að loka kolaverum sínum. Settur hefur verið upp tímarammi til lagningar strengja og miðast það við lokun mengandi orkuvera á Bretlandseyjum. Þessu geta áhugamenn og fyrirtæki knúið fram samþykkjum við OP#3, að öðrum kosti koma viðkomandi aðilar með háar fjárkröfur á hendur Íslenska ríkinu og er ég viss um að viðkomandi ráðherrar og alþingismenn sem þetta styðja, eru ekki tilbúnir að leggja fram eigin veð, verði Íslendingar dæmdir til að greiða. Sá reikningur verður sendur til Íslenskra skattgreiðenda, og koma alþingismenn með að telja sig ábyrga, með yfirlýsingum um pólitíska ábyrgð. Hún er engin! og hefur aldrei verið.
Það hafa verið færð rök fyrir því, að fyrirvarar þeir sem ríkistjórn Katrínar Jakobsdóttur telur sig geta haft, eru einskins virði. Gjá sú sem myndast hefur milli þjóðar og alþingis er slík, að forseti Íslands, hlýtur að vera farin að velta fyrir sér þeim möguleika, að leysa stjórnina frá völdum og efna til nýrra kosninga. Það væri eina rétta leiðin í þessu alvarlega máli, gætu flokkar þá lagt fram sín markmið í þessu máli og fengið skýr skilaboð frá kjósendum, hvert skuli halda. Isave var stórmál en nú er mun alvarlegra mál í farvatninu, verið er að fjalla um framtíð afkomenda okkar, og hvort við viljum stjórna okkur sem sjálfstæð þjóð, eða vera leiksoppar ESB.
Það er komin tími til að axla ábyrgð, hún felst í að hafna Orkupakka flóði ESB, taka málin í okkar hendur. Það er komin tími til að þessi landráðaríkisstjórn fari frá, það er í þínum höndum hr. Forseti.