Misstu alþingismenn og ráðherrar sjónar á jöfnuði í eigin græðgistöku launa, eða er þetta EB stefnan, á fullri ferð um Elítu og undirsáta.

Manni bregður í brún þegar ríkisstjórn landsins undir stjórn Katrínar Jakobsdóttur forsætisráðherra stígur ekki niður fæti í valdníðslu Bjarna Benidiktssonar fjármálaráðherra, er hann í oflæti sínu bauð lálauna fólki 6000kr launahækkun til þriggja ára, fólkinu sem endurreisti þjóðarhag, með því að taka á sig launaskerðingu af sínum sultar launum eftir síðasta hrun. Athugasemdarlaust tók yfirstéttin, alþingismenn og ráðherrar til sín athugasemdarlaust, hundriði þúsunda á einu bretti. Yfirbreiðsla ríkisstjórnar og alþingis var einungis sýndarmennska og yfirklór fyrir sjálftökunni. Ríkisstjórn landsins finnst það ekki athugunarvert að vera á hátt í 8 földum launum ræstingafólks sem hefur starfað við sína vinnu í 5 ár eða annarra verkamanna sem þurfa að vinna myrkanna á milli til að ná endum saman.
Nú er sá tími komin að almenningur í landinu er komin með upp í kok af þessu sjálftöku fólki sem á og er í vinnu hjá fólkinu í landinu. Það var þess vegna sárt að verða vitni að því hversu fámennur hópur safnaðist fyrir framan alþingishúsið til að mótmæla bágum kjörum þeirra sem minnst mega sín og þeirra sem nú eru að hefja sína réttlætisherferð til jöfnunnar á launum og þess að geta búið á þessu landi mannsæmandi lífi. Íslendingar þurfa að gera sér grein fyrir því að hér er ekki einungis barátta þessara stéttafélaga til réttlætis fyrir lítinn hóp vinnandi stéttar, þetta er barátta allra þeirra sem hér búa hvort þeir teljist til lálaunastétta, millistétta, opinberra starfsmanna og svo framvegis, gagnvart sjálftökuliðinu sem hér vill drottna yfir, og notar þig sem þræl eða ambátt. Þetta flokkast undir nútíma þrælahald og þarf að koma í veg fyrir með samstöðu.
Íslenska þjóðfylkingin styður baráttu þeirra sem lögðu allt sitt að mörkum svo endur reisa mátti þessa þjóð eftir síðasta hrun. Orsakavaldar þess voru þeir sem þjóðinni stjórnuðu en ekki almenningur í landinu. Lifið heil og stöndum saman gegn ELÍTU OG UNDIRSÁTUM, stjórnunarháttum ríkisstjórnarinnar, þeirra er ábyrgðin.
Guðmundur Karl Þorleifsson formaður Íslensku þjóðfylkingarinnar.