Er ríkisstjórnin á lifjum eða kom hún við á barnum, ég bara spyr?

Það eru merkilegir þankagangar vitleysingahælisins innan ríkisstjórnarinnar. Engum öðrum en Bjarna Ben myndi nokkurn tíma detta annað eins snilldar bragð og það að fella niður gistináttagjald af engu, það er það verða svo til engir sem koma til með að gista á hótelum né gistiheimilum á þessu ári. Þvílíkur öðlingur sem þessi drengur getur verið. Honum hefur ekki dottið í hug að samræma heldur gjaldtökuna, þar sem húsbílar bílaleiguaðila greiða ekki neitt af sinni þjónustu, né tjaldsvæðin , þó svo að Þessi starfsemi sé í beinni samkeppni við hótelrekstur.
Annað sem kom þessari ríkisstjórn upp á hátind þess að huga sérstaklega að þeim ríku á kostnað fátækra, var að sjálfsögðu snilldar hugmynd dómsmálaráðherra að ganga nú enn harðar að þeim sem eiga minna undir sér og gefa en frekar í að hægt sé að bjóða ofan af fjölskyldum landsins, þar sem dómsmálaráðherra telur greinilega að það hafi misfarist í hruninu, því hún ætlar að koma í veg fyrir sýkingu þeirra sem bjóða í heimili landsmanna við nauðungarsölur, með því að hægt verði að bjóða í eignirnar á netinu. Þvílík ósvífni!!!!
Það er nú ekki hægt að hætta hér öðruvísi en að telja upp þriðju hneisu þessa hugsunarlausu sauði sem stjórna landinu. Las ágæta grein á Face book síðu Íslensku þjóðfylkingarinnar, sem bar fyrirsögnina „ Misjafnt hafast mennirnir að“ Á meðan Íslenska ríkisstjórnin keppist við að auðvelda upptöku íbúða og fyrirtækja landsmanna, hefur Bandaríkjaforseti stöðvað öll uppboð og beitir frestun á slíkum aðförum að fyrirtækjum og fólki í landinu. Þetta er nefnilega maðurinn sem tveir af ráðherrum landsins hafa ásamt RÚV hafa agnúast út í, og borið honum á brýn að vera ekki með allar sellur heilar. Ætli Íslendingar fari ekki að sjá í gegnum þennan líberista og no borders áróður Íslenskra ráðamanna.
En það skal tekið fram að sumt er gert á jákvæðum nótum af núverandi ríkisstjórn, en eftir að hafa heyrt um stjórnunarhætti hennar, er maður farin að halda að þau jákvæðu tilraunir séu bara slys af þeirra hálfu.
Íslenska þjóðfylkingin fordæmir aðför að heimilum landsmanna og smáfyrirtækja. Það er komin tími til að Íslensk stjórnvöld fari að dæmi Bandaríkjamanna, og banni allar aðfarir að heimilum meðan það ástand sem nú varir gengur yfir. Það er komin tími til að standa vörð um heilbrigt samfélag, þar sem hinn almenni borgari á möguleika á að framfleyta sinni fjölskildu án ótta við arðrán undir handleiðslu stjórnvalda.

Covid 19 eða hvað?

Covid-19

Aldrei í seinni tíð hefur heimurinn verið eins hræddur við veikindi, eins og nú með Covid-19. Hafa menn slegið upp svo svartsýnum tölum um dauðsföll sem einna helst mætti líkja við spænsku veikina. En talið er að Spænska veikin hafi smitað þriðjung heimsbyggðarinnar og tíundi hver af þeim dó. Í dag reiknast það til að rúmlega 2 Milljarðar jarðarbúa muni smitast, 200 milljónir deyja og þar af tæplega 12 þúsund á Íslandi. Tölur er svolítið á reki og gæti fjöldinn eins verið helmingi hærri. Engin veiki hefur borist út á slíku hraða áður, sem má auðvita rekja til bættra samgangna. Þó eru til staðir sem hægt er að læra af eins og t.d. Nýju-Kaledóníu. Þar tóku þeir snemma upp sóttkví og tókst algjörlega að koma í veg fyrir dauðsföll. Það er þó nokkuð erfiðra í dag þar sem allar samgöngur hafa aukist mikið frá því árið 1920, en samt, þetta er þekkt atriði og það virkar. Spænska veikin lagðist á lungu fólks, það blæddi úr nösum, úr þörmum, með þvagi og lést einstaklingur yðulega tveimur dögum eftir smit. Það má því segja að það hafi legið nokkuð ljóst fyrir í upphafi að þessum tveimur veikindum var ekki saman að líkja. Engu að síður var í upphafi ómögulegt að segja til um hver lokaniðurstað yrði og allur varinn því góður.

Margir eru þeir sem hafa álit á framgöngu yfirvalda í þessu máli og ganga bæði hól og skammaryrði fram og til baka. Eitt er samt víst að lítið er hægt að skammast út í stafsfólk heilbrigðiskerfisins þar sem fjárveitingar ráða ansi miklu um hæfni kerfisins í að taka á móti svona álagi og ekki er nokkur manneskja þar sem hefur reynslu í svona löguðu. Skilningur almennings um uppbyggilegt heilbrigðiskerfi virðist samt ívið meiri en á hinu háa Alþingi, þar sem sífelt er verið að birgja brunninn eftir að barnið er dottið ofan í hann. Reyndar fengust öndunarvélar að gjöf frá Bandaríkjunum svo það var komin utanaðkomandi hjálp við að birgja brunninn. En vonandi að ríkisvaldið, og þá allt stjórnvaldskerfið líka, geti lært eitthvað af þessu.

Stanford háskólinn hefur tekið saman gögn og tilkynnt að dánartíðnin af Covid-19 er undir 0,14%, sem gerir vírusinn engu hættulegri en venjuleg flensu (þetta úrtak var ekki bundið við allan heiminn og gæti niðurstaðan breyst). Hins vegar mun fást gífulegur lærdómur af þessu öllu, í að takast á við næsta heimsfaraldur. Sumir læknar höfðu sagt, svo til alveg frá byrjun, að það þyrfti sérstaklega að hugsa um gamla fólkið og aðra einstaklinga sem væru með undirliggjandi sjúkdóma. Svo spurning hlýtur að vakna hvort það hafi verið þörf á að loka heilu þjóðfélögunum þegar ljóst var að Covid-19 var ekkert í líkingu við spænsku veikina? Fjöldi þeirra sem deyja (0,14%) fer af sjálfsögðu eftir því hve margir smitast og má gera ráð fyrir að allar þessar aðgerðir hafi dregið úr smiti og þannig bjargað einhverjum. En getum við gert þetta hér eftir, gegn öllum flensum?

Nú þegar eru mörg fyrirtæki farinn á hausinn, út af þessum vírus, og eiga mörg eftir að fylgja þeim. Í því ástandi sem nú er að skapast er enginn vafi á því að stór verður stærri og lítill hverfur. Þannig kemur eignarhald til með að þjappast enn meira saman, millistéttin minnkar enn meira, vinna tapast, framlegðin verður minni og þetta mun gerast um allan heim. Alþjóðasamsteypur verða sterkari í viðureign sinni gegn veikum þjóðarleiðtogum sem misst hafa alla trú á sjálfstæði og lýðræði þjóðfélaga sinna og þegna. Hvort að samsæriskenningin um að Covid-19 hafi bara verið yfirskin í fjárhagslegum tilgangi upplýsist trúlega seint eða aldrei, en samþjöppun mun gerast og það á einfaldan hátt héðan af.

Það er erfitt verk framundan fyrir ríkisstjórn Íslands og grunur um vinagreiða verður trúlega aldrei meiri en nú, í hjálparstarfi ríkisins við atvinnulífið og er nú þegar farið að reyna á siðgæði í því skipulagi. Til að halda uppi innviðum ríkisins með minnkandi tekjum og að aðstoða atvinnulífið verður ríkið að ganga á eignir. Þar er gjaldeyrissjóðurinn fremstur og svo getur ríkið alltaf notað gömlu aðferðina úr Reykjanesbæ og selt fasteignir. Aðgerðir stjórnvalda munu leiða í ljós hvort ríkisvaldið standi með eðlilegri samkeppni í landinu eða taki stöðu með auðvaldinu.

Það getur tekið marga, jafnvel marga marga mánuði að koma lífinu í sitt gamla horf og sumt nær sér hugsanleg aldrei aftur. En áhyggjur liggja líka hjá hinum fátækari þjóðum þar sem sum eiga eftir að fara ílla út úr þessu og á eftir að koma í ljós hve mörg ríki verða aflögufær með hjálp þegar hjólin fara að snúast aftur. Það er hjá þeim þjóðum sem við gætum séð hinar svartsýnustu dauðaspár rætast. Víðsvegar um heiminn gæti farið svo að lækningin komi til með að vera verri en sjúkdómurinn sjálfur og það jafnvel í vestrænu löndunum líka.

Það eru ekki til neinar patent lausnir á svona vandamáli og ekki er þetta létt verkefni, því ofan á veikindin er enn þá gífurleg hræðsla í gangi. Maður verður bara að vona að hlutirnir komist sem fyrst í eðlilegt horf og að ríkissjóður fari ekki á hausinn.

Þegar ungdómurinn áttar sig á gæði innlendra matvæla

Það er nauðsyn að upprennandi kynslóð átti sig á gildi matvælaöryggis landsins. Nú þegar plágan hefur skollið á hefur margir ungir Íslendingar áttað sig á, hversu Íslensk matvæli eru nauðsynleg, þetta er gott svo langt sem það nær. Stjórnvöld þurfa að útskýra fyrir Íslendingum, mikilvægi þess að eiga aðgang að góðum matvælum sem ekki eru uppfull af sýklalyfjum frá framleiðslu. Það er nauðsyn hverri þjóð að upplýsa fyrir öllum þeim sem ekki enn hafa áttað sig á því, að grundvöllur hverrar þjóðar er matvælaöryggi og það er ekki flutt inn erlendis frá á neyðartímum.
Því var það ánægjulegt að fylgjast með því að ásókn í bjúgu ( sperla ) hefði aukist til muna eftir að plágan skall á. Það má segja að sama er að segja um aðra matvæla framleiðslu sem innlendur markaður framleiðir. Það er nefnilega ekki sjálfgefið að innflutt grænmeti, ávextir né annað það sem kemur erlendis frá með flugvélum og eða skipum verði á boðstólum Íslendinga. Hvernig ætli smitvörnum verði til hagað hér innanlands, eða munu glóbalistanir ráða hér för, með því að treysta á erlenda vottun. Er komin tími í að endurskoða stefnu landbúnaðarráðherra sem og stjórnar Katrínu Jakobsdóttur í landbúnaðar og fiskstjórnunar málum. Er ekki komin tími til að ríkisstjórn sem og alþingi, endurskoði alla umgjörð þeirra sem hafa þurft að búa við okurgjöld og afarkosti innlendra eftirlitsstofnanna, er varðar innlenda matvælaframleiðslu. Er tími til komin að segja „ hingað og ekki lengra, nú hefjum við sókn í framleiðslu á „ómenguð matvælum frá Íslandi“ hvort heldur á innanlandsmarkað sem og til útflutnings, með heildar skipulagningu matvælaframleiðslu með fæðuöryggissjónarmið að leiðarljósi fyrir landsmenn.
Það er ekki allt gull sem glóir, sem flutt sé inn erlendis frá!, þó sumir glóbalistar og no borders sinnar haldi því fram samanber Viðreisn, Samfylkingu, og fulltrúa verslunar og þjónustu. Þeirra stefna er „niðurrif innlends atvinnulífs til sjávar og sveita, eyðsla á gjaldeyri svo eitthvað sé nefnt“ Íslenska þjóðfylkingin hafnar slíkri stefnu enda frá stofnun lagt ríka áherslu á matvælaöryggi landsmanna. Það var styrkleiki þjóðarinnar í gegnum heimsstyrjaldarárin sem og nú í gegnum pláguna.
Það er bjart framundan þó þungbúið sé um stundir, Íslendingar munu verða fljótir að ná vopnum sínum aftur, sé rétt á málum haldið. Stöndum saman að endurreisninni, þá mun okkur vegna vel.

Þarf Seðlabanki og stjórnvöld að hugsa hlutina upp á nýtt.

Nú þegar heimsfaraldur geisar, er vert að athuga okkar stjórnskipulag, sem og þær ákvarðanatökur er stjórnvöld gera við slíkar aðstæður. Er rétt ákvörðun Seðlabanka að fella gengið, án þess að taka lánskjaravísitölu úr sambandi. Eru réttar ákvarðanir ríkisstjórnar að vera með sértækar aðgerðir fyrir einstök fyrirtæki en ekki setja leikreglur sem allir fara eftir og ætlaðar eru fyrir atvinnulífið í heild sinni.
Ég hef efast um að gengisskráning á Íslensku krónunni sé fagleg, með vísan til falls ferðamannastraumsins. Þar vísar peningastefnunefnd til þess að hrun á innlendum ferðamannaiðnaði, en slíkt hrun hefur einnig orðið allstaðar í heiminum, og síst minna áfall í Evrópu en hér heima. Flug er allstaðar kyrrsett bæði hér og erlendis, hagkerfi heimsins er í meiri molum erlendis en hér heima, fæðuöryggi er hér mun sterkara en erlendis, horft til framtíðar eru við Íslendingar mun betur staddir en bæði Evrópa og Bandaríkin í enduruppbyggingu hagkerfisins að plágunni lokinni. Allar líkur eru á að EVRAN líði undir lok áður en langt um líður eða verði svo verðlítil að enginn vilji eiga viðskipti í þeirri mynt. Því til staðfestingar eru Þjóðverjar tilbúnir til að endurvekja Þýska markið, á einni viku. Hagkerfi Bandaríkjanna mun taka tvö til þrjú ár að endur reisa, þrátt fyrir gengdarlausa peningaprentun á fallandi gengi dollars í kjölfar plágunnar. Eina gengið sem kemur til með að standa sig til lengri tíma litið, verður Breska pundið. Þetta hef ég bent á lengi, en gerði mér ekki grein fyrir að plágan myndi verða slíkur auka áhrifavaldur í þessu ferli. NEI!!! Ég tel að peningastefnunefnd rýni rangt fram í tíman, en til að Íslendingar verði fljótir að ná tökum á hagkerfinu, er nauðsyn að stjórnvöld sýni áræðni og skinsemi í úrlausnum og leggi af sérlausnir.
Þau fyrirtæli sem hafa á undanförnum árum hafa sýnt góða afkomu og getað greitt eigendum sínum góðan arð, þurfa ekki ölmussu frá hinu opinbera. Þeirra framlag til handa samfélaginu þar sem þeir hafa getað blómstrað er að sýna þakklæti og sjá starfsfólki sínu virðingu með að halda því áfram í starfi án aðkomu ríkisins.
Það er aftur á móti nauðsyn að laga til í skatt lagningar pólitík stjórnvalda og á ég þar við hvort tveggja er varðar fyrirtæki og hinn almenna borgara. Skilgreina þarf upp á nýtt hvers við óskum af hinu opinbera og hversu háa prósentu í heild sé réttlætanlegt að skattleggja atvinnurekstur sem og almenning í landinu. Inni í þeirri tölu ætti að vera öll þjónusta hins opinbera.
Einn aðalgrundvöllur þess að ná sátt í samfélaginu, er að taka úr sambandi lánskjaravísitöluna. Þar með myndi hagkerfið í heild sinni, þar með talið bankastarfsemi vinna markvist að stöðuleika. Þetta myndi til langs tíma verða bankastarfsemi til framdráttar, minka áhættu og skapa auðlegð.
Íslenska þjóðfylkingin hefur haft þessa stefnu að markmiði, enda þá engin nauð sin að taka upp annan gjaldeyri. HVAÐ MUN RIKISSTJÓRNIN GERA, VERÐUR ÞAÐ VINAGREIÐAPÓLITÍK EÐA SKINSEMI

Verður matvælaframleiðsla grunnatvinnugrein Íslendinga.

Manni getur brugðið við minna tilefni en að sjá stjórnmálamenn flykkjast fram á ritvöllinn til að tjá sig um mikilvægi matvælaframleiðslu á Íslandi. Það mega þeir þó eiga, þó svo, þau kunni ekki að skammast sín, flokksmenn Samfylkingar og Viðreisnar, að þeim hefur ekki dottið þessi hræsni til hugar, enda einarðir baráttumen í þeirri trú sinni að leggja beri allan landbúnað, sem og matvælaframleiðslu niður og færa hana til ESB. Nú þögn þeirra sem hulin gröf.
Nei ég er að tala um ráðherra ríkisstjórnar Katrínar Jakobsdóttur, sem leynt og ljóst hafa unnið að því að rústa allri matvælaframleiðslu í landinu, gert henni sem mest þeir geta erfitt fyrir, með alskins reglugerða kjaftæði og íþyngjandi starfsumhverfi. Nú er það ljóst að ESB samstarfið stendur á brauðfótum, þjóðirnar hugsa einungis um eigin hag og samfélagsleg ábyrgð er ekki lengur til staðar. Sem sagt allt það sem Viðreisn, Samfylking og aðrir no borders liðar, í einum flokki „líberistar dauðans“ hafa verið að ljúga að landsmönnum, er áróður, sem ekki stenst nokkra skoðun.
Ég vill nefna hér einn sérstaklega, sem tilheyrir að vísu, að nafninu til Sjálfstæðisflokknum, það er ráðherra landbúnaðar og sjávarútvegs. Undir hans stjórn hefur verið markvist unnið að því í ráðuneytum, sem og stjórnsýslu að leggja niður alla matvælaframleiðslu í landinu, jú ferðamannaiðnaðurinn átti að bjarga öllu, við þyrftum ekki að hafa áhyggjur af matvælaöryggi þjóðarinnar, því við værum tryggð í gegnum EES samstarfið. HVER TRÚIR ÞVÍ NÚ? Hverjum dettur í hug að ESB komi til með að lifa mikið lengur, né EVRAN., þar sem hver höndin er uppi á móti hverri annarri. Nú ryðst sami ráðherra fram á sjónarsviðið og hvetur til aukinnar matvælaframleiðslu, sem hann réri öllum árum að leggja niður!!!
Er ekki tími til að viðkomandi niðurrifsráðherra, axli ábyrgð og segi af sér, þar sem hæfi hans er vægast sagt ekki trúverðugt innan sjávarútvegs vegna hagsmunatengsla og ekki síst, að hans stefna í landbúnaði er greinilega á fallanda fæti, þar sem ESB kemur ekki til með að bjarga honum, né stefnu hans.
Nei! Íslenska þjóðfylkingin, hefur ætíð lagt til að fæðuöryggi landsmanna sé tryggt og við horfum björtum augum fram í tíman. Nú þegar Þorlákshöfn er og verður okkar aðal samskiptahöfn við Evrópu og er staðsett í einu helsta landbúnaðarhéraði landsins, hægt er að styrkja flutningsleiðir þvert yfir landið til tenginga við önnur matvælaframleiðslu svæði, er bjart framundan fyrir ósýkta og lyfjalausa matvælaframleiðslu, til sölu á meginlandi Evrópu. Til að svo megi verða, þarf að stuðla að lækkuðum framleiðslukostnaði til grunnframleiðslu matvæla, afnema einokun og fákeppni í fullvinnslu afurða, þá verða bjartir tímar í matvælaframleiðslu framundan. Seinni sjálfstæðisbarátta Íslendinga er hafin!!!!

Þá er Þyrnirós vaknar

Aldrei þessu vant fylgdist ég með Bylgjunni í morgun eða þann 2 apríl 2020 og viti menn, ég held að það sé farið að rofa eitthvað til í toppstykki utanríkisráðherra. En Guðlaugur Þór var í viðtali þar, og var mikið niðri fyrir. Hann var spurður um samstarf og samvinnu þjóða vegna faraldursins sem nú gengur yfir heimsbyggðina.
Það var nú, sem þáttastjórnendum brá í brún og ég varð hissa á ótrúverðugum svörum ráðherrans, þar sem hann sagði að einungis norðurlandasamstarfið og Eystrasaltssamstarfið hafi verið gott, en annað væri að segja um samstarfið við ESB og að endurskoða þyrfti Schengen samstarfið, þegar plágan væri afstaðin. Sagði hann einnig að þetta hafi borið á góma á ríkisstjórnarfundi.
Þetta eru sko stórfréttir að mínu mati, þar sem ekki hefur mátt minnast á að samstarfið sem er í gegnum EES og svo ekki sé talað um Schengen samstarfið, sé ekkert annað en samningar þar sem annar aðilinn það er ESB fær öllu sínu framgengt og svo hinn aðilinn að samkomulaginu EES þjóðirnar eru undirlægjur sem troðið er á og þjóðarleiðtogar þeirra ríkja bukta sig og beygja á kostnað þeirra þjóða er þeim ber að standa vörð um.
Íslenska þjóðfylkingin hefur lengi bent á þessa staðreynd og haldið á lofti varnaðar orðum, en alþingismenn og aðrir ráðamenn þjóðarinnar hafa skellt skollaeyrum við. Það er gott ef satt reynist að þjóðarleiðtogar vakni af sínum Þyrnirósarsvefni, þótt seint sé. Því er sá tími til komin að ráðamenn segi upp ofangreindum samningum, geri tvíhliða samning við þau ríki og ríkjasambönd á jafnræðisgrundvelli, en láti ekki landsmenn bíða skaða af.
Ríkisstjórn hlýtur að láta kanna möguleika þá sem felast í aukinni matvælaframleiðslu sem og iðnaðarframleiðslu, verði áliðnaður ylla úti úr þessum faraldri sem nú gengur yfir heimsbyggðina.
Íslenska þjóðfylkingin, skorar á ráðamenn þjóðarinnar að bretta upp ermar og hefja þegar í stað sókn í uppbyggingu atvinnutækifæra, það gerir hún með að liðka fyrir þróun og samkeppnishæfni fyrirtækja gagnvart niðurgreiddum erlendum iðnaði, til hagsældar þjóðarbúskapnum og hættir að skattleggja fyrirtækin út af markaði.
Stöndum saman, þá vegnar okkur vel.